哈爾濱 北極館 冰雪大世界 東北之旅

今日一早起身，同林加雯為俾呀恩的驚喜作準備，

一刷完牙，林加雯同我打個眼色，

就話一齊落去同櫃檯講個廁所塞左，

為左更加迫真，我只係著左３件衫，

出到去，真係凍到痴左線！！！

搭的士去火車站買完飛，

又搭返的士返旅館，但個的士司機兜路，

又勁遠停，係嚴寒行左幾個字先返到去。。。

（不過成個旅程都係遇到一個）

返到去扮冇野，著返多ｄ衫就出去食早餐，

之後包車去太陽島，

我地叫佢做〝痰島〞，

因為果度真係勁多人吐痰。。。

睇左極地館，雪雕，表演～

極地館有北極熊，雪狐同企鵝！

仲有好多唔同的魚～

　

之後仲去左龍塔，

不過入面每一個景點要再俾錢，

我地當然冇入去ＸＤ！

夜晚去左冰雪大世界睇冰燈，

估唔到入面咁凍。。。

凍到行左一陣就話要走＞＜！