華為 huawei mediapad X1 4g 版 可通話平板 開箱文

第一次接觸華為這個牌子，

是由於我的一位朋友正在使用華為的智能電話，

外型已經不再老土，性價比亦超高。

但我仍然覺得iphone5 好好用，

所以亦無詳細再留意。

到了最近，因工作須要新開了一個電話號碼，

加上我的舊平板nexus7(2012)，

我每天都拎住三部數碼設備，

(我認我上網毒太深)

實在係太唔方便又太重！

直至見到X1，支援通話功能，

仲有4g，即刻上網check 功能，

第二日就走左去買！

我係深水埗買，$2650，

跟機係二腳叉電器，

鋪頭話係行貨，係觀塘有維修中心，

係唔係真係行貨我都唔肯定...

產品數據我當然唔係好識睇，

總之用起上黎比nexus 7(2012)順，

正面無實體鍵，超窄邊，右上角有500萬像素相機

序號貼了在背面跟機膠貼上，右上角有1300像素相機

我的手不算很大，但要單手掌握絕對無問題

螢幕清晰，可選擇鮮艷模式，但我覺得太味精

打電話的介面

用了大約一星期，大致上也覺得很好用，

能完全支援smartone的4g，

偶然忘了用handfree也可通電話，

但必須加大音量，

所以還是用handfree好!

聯絡人方面，不能直接從google聯絡人匯入，

我是用藍芽從舊電話匯入的。

內置的輸入法中沒有香港常用的倉頡或速成，
我自行下載了google粵語輸入法，好好用！

上網睇片方面一般都順暢，
配合內置的瀏覽器效果確實會流暢一點。

我發現有些apps並不算完全對應，
當收起虛擬按鍵bar時，
螢幕會有少少感應不正確，
但按返虛擬bar出黎又沒有問題。
暫時發現玩tsum tsum時會有這個問題，
其他apps又ok。

Update : 新發現X1可以透過otg線為手機充電!
親自試過iphone都可以充到!
對於我黎講實在是太太太方便!

總括來說，X1還是性價比很高的一部平板，
對於須要打電話又想有4g的人來說實在是一個好選擇。